ଖଣ୍ଡହତାରେ ୨୦୨୨ ମ୍ୟାଟ୍ରିକ ବ୍ୟାଚ ଛାତ୍ରଛାତ୍ରୀଙ୍କ ବନ୍ଧୁମିଳନ …

ତିଗିରିଆ -ତିଗିରିଆ ବ୍ଲକ ଅନ୍ତର୍ଗତ ବଡନାଉପୁଟ ପଞ୍ଚାୟତ ସ୍ଥିତ ଖଣ୍ଡହତା ଗ୍ରାମରେ ଅବସ୍ଥିତ ଶ୍ରୀ ଜଗନ୍ନାଥ ନୋଡାଲ ବିଦ୍ୟାପୀଠ ର ଚଳିତବର୍ଷ ମାଟ୍ରିକ ପରୀକ୍ଷା ଦେଇଥିବା ଛାତ୍ରଛାତ୍ରୀ ମାନଙ୍କର ଏକ ବୈଠକ ଅଂଶୁପା ହ୍ରଦ ନିକଟରେ ଅନୁଷ୍ଠିତ ହୋଇଯାଇଛି।ଛାତ୍ର ପ୍ରଜ୍ଞାନ ରାଉତ ଓ ଆଶୀର୍ବାଦ ସାହୁ ଙ୍କ ପ୍ରତ୍ୟକ୍ଷ ସଂଯୋଜନା ରେ ଅନୁଷ୍ଠିତ ଏହି ବୈଠକରେ ସର୍ବପ୍ରଥମେ ବିଦ୍ୟାଳୟ ର ପ୍ରଧାନଶିକ୍ଷକ ଅନ୍ତର୍ଯ୍ୟାମୀ ସ୍ଵାଇଁ, ବରିଷ୍ଠ ଶିକ୍ଷକ ସୁକାନ୍ତ କୁମାର ପଣ୍ଡା, ଶିକ୍ଷକ ପ୍ରସନ୍ନ କୁମାର ସାହୁ, ଶିକ୍ଷକ ବିଦ୍ୟାଧର ରାଉତ,ଶିକ୍ଷକ ନିଶାକର ଖଟୁଆ, ଶିକ୍ଷୟିତ୍ରୀ ସୁଭଦ୍ରା ସାହୁ ,ବିଦ୍ୟାଳୟ ର କର୍ମଚାରୀ ପ୍ରଭାକର ଖଟୁଆ ଓ ଧୀରେନ୍ଦ୍ର ଖଟୁଆ ଙ୍କୁ ଛାତ୍ରଛାତ୍ରୀ ଙ୍କ ତରଫରୁ ଉତ୍ତରୀୟ, ପୁଷ୍ପଗୁଚ୍ଛ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା।

ଚଳିତବର୍ଷ ମାଟ୍ରିକ ପରୀକ୍ଷାରେ ବିଦ୍ୟାଳୟ ର ଶତ ପ୍ରତିଶତ ଛାତ୍ରଛାତ୍ରୀ କୃତକାର୍ଯ୍ୟ ହୋଇଥିବାରୁ ରାଜ୍ୟ ସରକାରଙ୍କ ଶିକ୍ଷା ବିଭାଗ ପକ୍ଷରୁ ବିଦ୍ୟାଳୟ କୁ ତିଗିରିଆ ବ୍ଲକ ରେ ଶ୍ରେଷ୍ଠ ବିଦ୍ୟାଳୟ ର ପୁରସ୍କାର ମିଳିବା ସହ ଏକ ଲକ୍ଷ ଟଙ୍କାର ନଗଦ ଅର୍ଥ ରାଶି ମଧୟ ୍ରଦାନ କରାଯାଇଛି।ତେଣୁ ଉପସ୍ଥିତ ସମସ୍ତ ଛାତ୍ରଛାତ୍ରୀ ଙ୍କ ଯୋଗୁଁ ବିଦ୍ୟାଳୟ ଏହି ସଫଳତା ହାସଲ କରିଥିବାରୁ ବିଦ୍ୟାଳୟ ର ପ୍ରଧାନଶିକ୍ଷକ ଶ୍ରୀ ସ୍ଵାଇଁ ସମସ୍ତଙ୍କୁ ଧନ୍ୟବାଦ ଅର୍ପଣ କରିବା ସହ ସେମାନେ ବିଦ୍ୟାଳୟ କୁ ଗୌରବାନ୍ୱିତ କରିଥିବା ସୂଚନା ଦେଇଛନ୍ତି।ଏଥିସହିତ ଚଳିତ ଶିକ୍ଷାବର୍ଷ ରେ ବିଦ୍ୟାଳୟ ର ୭ ଜଣ ଛାତ୍ରଛାତ୍ରୀ ମେଧା ପୁରସ୍କାର ଓ ଭାଷା ପୁରସ୍କାର ଲାଭ କରିଥିବା ମଧ୍ୟ ପ୍ରଧାନଶିକ୍ଷକ ଶ୍ରୀ ସ୍ଵାଇଁ ସୂଚନା ଦେଇଥିଲେ। ପରେ ସମସ୍ତ ଛାତ୍ରଛାତ୍ରୀ ନିଜ ନିଜର ବିଦ୍ୟାଳୟ ଜୀବନର ଅନୁଭୂତି ବର୍ଣ୍ଣନା କରିବା ସହ ସମସ୍ତ ଶିକ୍ଷକ ଶିକ୍ଷୟିତ୍ରୀ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ।