ନୂଆଦିଲ୍ଲୀ -: ଆଜି ଭାରତ ପାଇଁ ଐତିହାସିକ ଦିନ । ଅପେକ୍ଷା ସରିବ, ଉଡାଣ ଭରିବ । ଆରମ୍ଭ ହୋଇଯାଇଛି ସେହି ମୁହୂର୍ତ୍ତ ପାଇଁ କାଉଣ୍ଟଡାଉନ । ଘଣ୍ଟାକଣ୍ଟାର ଟିକଟିକ ଶବ୍ଦରେ ଠିକ୍ ମଧ୍ୟାହ୍ନ ୧୨ଟା ୧ ବାଜିବ ମହାକାଶ ଅଭିମୁଖେ ଉଡ଼ାଣ ଭରିବ ସ୍ପେଶ୍ ଏକ୍ସ ମିଶନ୍-ଆକ୍ସିଅମ-ଫୋର । ଆଉ ୩ ମହାକାଶଚାରୀଙ୍କ ସହ ଅନ୍ତର୍ଜାତୀୟ ସ୍ପେଶ୍ ଷ୍ଟେସନ୍ ଯିବେ ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଲା ।
ଭାରତ ପାଇଁ ଏହା ସବୁଠାରୁ ଗର୍ବର କଥା ହୋଇଥିବା ବେଳେ ଆସନ୍ତୁ ଜାଣିବା ମହାକାଶ ଯାତ୍ରା ଏବଂ ଶୁଭାଂଶୁ ଶୁକ୍ଳାଙ୍କ ବାବଦରେ କିଛି ଅଜଣା କଥା..
୧-ଏହି ମିଶନ ସହ ଶୁଭାଂଶୁ ହେବ ଭାରତର ୨ୟ ମହାକାଶଚାରୀ ଯିଏ ମହାକାଶକୁ ଯାତ୍ରା କରିବେ । ଏହା ପୂର୍ବରୁ ୧୯୮୪ ରାକେଶ ଶର୍ମା ସୋବିୟନ ୟୁନିୟନର ମିଶନରେ ଭାଗ ନେଇ ମହାକାଶ ଯାଇଥିଲେ ।
୨-ଶୁଭାଂଶୁ ଆକ୍ସିଅମ-୪ର ପାଇଲଟ୍ ସାଜିବେ । ଏଏକ୍ସ-୪ ଏକ ଘରୋଇ ମହାକାଶ ମିଶନ ଯାହା ନାସା, ଇସ୍ରୋ ଏବଂ ସ୍ପେସ୍ ଏକ୍ସ ସହଯୋଗରେ ଆଜି ଉତକ୍ଷେପଣ ହେବ ।
୩-ଶୁଭାଂଶୁ ହେବେ ପ୍ରଥମ ଭାରତୀୟ ମହାକାଶ ଯାତ୍ରୀ ଯିଏ ଆନ୍ତର୍ଜାତୀୟ ମହାକାଶ କେନ୍ଦ୍ର (ଆଇଏସଏସ)ରେ ଯାଉଛନ୍ତି । ସେଠାରେ ଶୁଭାଂଶୁ ୧୪ ଦିନ ରହି ବିଭିନ୍ନ ପରୀକ୍ଷଣ କରିବେ ।
୪- ଶୁଭାଂଶୁ ଭାରତୀୟ ବାୟୁସେନାର ଜଣେ ଦକ୍ଷ ପାଇଲଟ । ଯିଏ ସୁଖୋଇ-୩୦, ମିଗ୍-୨୧, ମିଗ୍-୨୯, ଜାଗୁଆର ଭଳି ବଡ ବଡ ବିମାନର ଉଡାଇଛନ୍ତି । ତାଙ୍କ ପାଖରେ ୩୦୦୦ ଘଣ୍ଟାରୁ ଅଧିକ ବିମାନ ଉଡାଣର ଅଭିଜ୍ଞତା ରହିଛି ।
୫- ଶୁଭାଂଶୁ ମହାକାଶରେ ଯୋଗ ପ୍ରଦର୍ଶନ କରିବେ । ତାସହ ଭାରତୀୟ ମିଠା, ହଂସ ପରି ଏକ ଖେଳଣା ସହ ଅନ୍ୟାନ୍ୟା ଭାରତର ସାଂସ୍କୃତିକକୁ ବହନ କରୁଥିବା ଜିନିଷ ନେଇ ଯିବେ । ଯାହା ଶୂନ୍ୟରେ ଭାସିବ ଏବଂ ମିଶନର ପ୍ରତୀକ ସାଜିବ ।
୬-ଏହି ଯାତ୍ରାରେ ଶୁଭାଂଶୁଙ୍କ ସହ ପୋଲାଣ୍ଡ, ହଙ୍ଗେରୀ ଓ ଆମେରିକାର ମହାକାଶଚାରୀମାନେ ସାମିଲ ହେବେ
୭-ଶୁଭାଂଶୁ ଆନ୍ତର୍ଜାତୀୟ ମହାକାଶ ଷ୍ଟେସନରୁ ଭାରତୀୟ ଛାତ୍ରଛାତ୍ରୀଙ୍କ ସହ ଲାଇଭରେ ଯୋଡି ହେବେ ଏବଂ ସେମାନଙ୍କୁ ସେଠାକାର କଥା କହିବେ । ତାସହ ଫଟୋ ଭିଡିଓ ମଧ୍ୟ ପଠାଇବେ ।
Discover more from odia.bnslive.in
Subscribe to get the latest posts sent to your email.