ଆମ ଜିଭ ଖାଦ୍ୟର ସ୍ୱାଦ ସହିତ ଆମ ସ୍ୱାସ୍ଥ୍ୟ ବିଷୟରେ ମଧ୍ୟ କହିଥାଏ। ଏହା ମଧ୍ୟ କୁହାଯାଇପାରେ ଯେ ଜିଭ ଆମ ସ୍ୱାସ୍ଥ୍ୟର ଏକ ଦର୍ପଣ। ଆପଣଙ୍କ ଜିଭରେ ଏପରି ଅନେକ ଲକ୍ଷଣ ଦେଖାଯାଏ, ଯାହା ଆପଣଙ୍କ ଶରୀରରେ ଚାଲିଥିବା ସମସ୍ୟାକୁ ଇଙ୍ଗିତ କରେ। ପ୍ରସିଦ୍ଧ ଯୋଗଗୁରୁ ଏବଂ ଲେଖିକା ତାଙ୍କ ୟୁଟ୍ୟୁବ୍ ଚ୍ୟାନେଲରେ ଏକ ଭିଡିଓ ସେୟାର କରି ଏ ବିଷୟରେ ସୂଚନା ଦେଇଛନ୍ତି। ସେ କହିଛନ୍ତି ଯେ ଜିଭକୁ ଦେଖି ଶରୀର ଭିତରେ ହେଉଥିବା ସମସ୍ୟାକୁ ଚିହ୍ନଟ କରାଯାଇପାରିବ। ଯଦି ଆପଣ ପ୍ରତିଦିନ ଜିଭ ଉପରେ ଧ୍ୟାନ ଦିଅନ୍ତି, ତେବେ ଆପଣ ଏପରି ଅନେକ ଲକ୍ଷଣ ଦେଖିବେ।
ଜିଭ ଉପରେ ଧଳା ସ୍ତର- ସାଧାରଣତଃ ଲୋକମାନେ ଜିଭ ଉପରେ ଧଳା ସ୍ତରକୁ ସାଧାରଣ ବୋଲି ଭାବନ୍ତି, କିନ୍ତୁ ଡକ୍ଟରଙ୍କ ଅନୁସାରେ, ଏହା କୌଣସି ସ୍ୱାସ୍ଥ୍ୟ ସମସ୍ୟାର ଲକ୍ଷଣ ହୋଇପାରେ। ଦୁର୍ବଳ ପାଚନ ପ୍ରଣାଳୀ କିମ୍ବା ଶରୀରରେ ବିଷାକ୍ତ ପଦାର୍ଥ ଜମା ହେବା ଯୋଗୁଁ ଜିଭ ଉପରେ ଧଳା ସ୍ତର ସୃଷ୍ଟି ହେବା ଆରମ୍ଭ ହୁଏ। ଆୟୁର୍ବେଦ ଅନୁସାରେ, ଏଗୁଡ଼ିକ ଶରୀରରେ ବିଷାକ୍ତ ପଦାର୍ଥ ଜମା ହେବାର ଲକ୍ଷଣ। ଯଦି ଆପଣ ମଧ୍ୟ ଏପରି ଲକ୍ଷଣ ଦେଖୁଛନ୍ତି, ତେବେ ଭାରି ଏବଂ ତେଲିଆ ଖାଦ୍ୟ ପରିହାର କରନ୍ତୁ ଏବଂ ଫାଇବରଯୁକ୍ତ ଖାଦ୍ୟ ଗ୍ରହଣ କରନ୍ତୁ।
ଲାଲ ଜିଭ- ଯୋଗଗୁରୁ ମଧ୍ୟ ଲାଲ ଜିଭ ବିଷୟରେ କହିଛନ୍ତି। ତାଙ୍କ ଅନୁସାରେ, କେତେକ ସମୟରେ ଜିଭ ବହୁତ ଲାଲ ଦେଖାଯାଏ କିମ୍ବା ଏଥିରେ ଲାଲ ଦାଗ ଦେଖାଯାଏ, ଏହା ଶରୀରରେ ଭିଟାମିନ୍ ବି ଅଭାବରୁ ହୋଇପାରେ। ଏହା ସହିତ, ଶରୀରରେ ଗରମ କିମ୍ବା ପ୍ରଦାହ ଯୋଗୁଁ ମଧ୍ୟ ଏପରି ଲକ୍ଷଣ ଦେଖାଯାଇପାରେ। ଏପରି ପରିସ୍ଥିତିରେ, ଏଥିରୁ ମୁକ୍ତି ପାଇବା ପାଇଁ, ସବୁଜ ପତ୍ରଯୁକ୍ତ ପନିପରିବା, ବାଦାମ ଏବଂ ସିଡ୍ସକୁ ଖାଦ୍ୟରେ ସାମିଲ କରିବା ଉଚିତ।
ଜିଭ ଫାଟିବା- ଯଦି ଜିଭ ଫାଟିର ଅନେକ କାରଣ ଥାଇପାରେ। ଶରୀରରେ ପାଣିର ଅଭାବ କିମ୍ବା ଲମ୍ବା ସମୟ ପର୍ଯ୍ୟନ୍ତ ପୋଷଣର ଅଭବା ହେବା ଦ୍ବାରା ଜିଭ ଫାଟିଥାଏ। ଏମିତି ପରିସ୍ଥିତିରେ ଶରୀରକୁ ହାଇଡ୍ରେଟେଡ୍ ରଖନ୍ତୁ, ପଇଡ଼ ପାଣି ପିଅନ୍ତୁ। ଏହା ସହିତ ଦେଶୀ ଘଅ, ସିଡ୍ସ ଓ ଫଳକୁ ନିଜ ଡାଏଟ୍ରେ ସାମିଲ କରନ୍ତୁ।
ଜିଭର ରଙ୍ଗ ଫିକା ପଡ଼ିବା- ଯଦି ଆପଣଙ୍କୁ ଲାଗୁଛି ଯେ ଆପଣଙ୍କ ଜିଭର ରଙ୍ଗ ଫିକା କିମ୍ବା ହାଲୁକା ହୋଇଯାଇଛି, ତେବେ ଏହା ରକ୍ତହୀନତା କିମ୍ବା ଶରୀରରେ ଶକ୍ତିର ଅଭାବ ହେତୁ ହୋଇପାରେ। ଏପରି ଅବସ୍ଥାରେ, ଆପଣଙ୍କ ଖାଦ୍ୟରେ ବିଟ୍ ରୁଟ୍ ଭଳି ଲୌହ ଯୁକ୍ତ ଖାଦ୍ୟ ସାମିଲ କରନ୍ତୁ।
ଜିଭ ଉପରେ ହଳଦିଆ ରଙ୍ଗର ଆବରଣ- କେତେବେଳେ ଜିଭ ଉପରେ ହଳଦିଆ ରଙ୍ଗର ଆବରଣ ସୃଷ୍ଟି ହୁଏ। ଏହା ପାଚନ ସମ୍ବନ୍ଧୀୟ ସମସ୍ୟା, ଏସିଡିଟି କିମ୍ବା ଜୀବାଣୁ ସଂକ୍ରମଣ ହେତୁ ମଧ୍ୟ ହୋଇପାରେ। ଏପରି ପରିସ୍ଥିତିରେ, ମିଠା ଏବଂ ଫ୍ରାଏଡ୍ ଫୁଡ୍ ପରିହାର କରିବା ଉଚିତ। ଏହା ସହିତ, ପର୍ଯ୍ୟାପ୍ତ ପରିମାଣର ପାଣି ପିଇବା ଉଚିତ।
Discover more from odia.bnslive.in
Subscribe to get the latest posts sent to your email.