ସାମ୍ନାକୁ ଆସିଲା ୨୪ ବର୍ଷର ମିଛ ବିକାଶର ଅସଲ ସତ

ଅଗନା ଅଗନି ଜଙ୍ଗଲ ମଧ୍ୟରେ ଗାଁ ଗାଁକୁ ନାହିଁ ରାସ୍ତା
ସ୍ୱାଧିନତାର ଏତେ ବର୍ଷ ପରେ ବି ପହଂଚି ପାରୁନାହିଁ ସରକାରୀ ଯୋଜନା

ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ । ଭଲ ରାସ୍ତାଟିଏ ନଥିବାରୁ ପିଢ଼ି ପିଢ଼ି ଧରି ଏହି ମାଟି ରାସ୍ତା ଭରସାରେ ଚାରିଖଣ୍ଡ ଗ୍ରାମବାସୀ । ଗୁରୁସିଙ୍ଗା ପଞ୍ଚାୟତର ଏହି ଗାଁ ଗୁଡ଼ିକ ହେଉଛି ଜିତରୁସାହି, ମଇନାପଦର, ଧୋବାସାହି ଏବଂ ବାଇଙ୍କା ଡ଼ଡ଼ି। ଖରାଦିନ ହେଲେ ଯେମିତି ସେମିତି ଚଳିଯାଏ ହେଲେ ବର୍ଷା ଦିନ କାଦୁଅ ପଚପଚ । ରାସ୍ତା ନାଁରେ ଲକ୍ଷ ଲକ୍ଷ ଟଙ୍କା ଆତ୍ମସାତ ହେଉଥିବାବେଳେ ଏପର୍ଯ୍ୟନ୍ତ ସ୍ଥାୟୀ ସମାଧାନ ହୋଇପାରିଲା ନାହିଁ, ନୂଆଁ ସରକାରଙ୍କ ଭରସାରେ ଏବେ ଅଞ୍ଚଳବାସୀ । ମାଲକାନଗିରି ଜିଲ୍ଲା ଖଇରପୁଟ ବ୍ଲକ ହଣ୍ଡରାହାଲ ପଞ୍ଚାୟତ ପାତ୍ରପୁଟ ଗାଁ ।ସ୍ୱାଧୀନତାର ସାତ ଦଶନ୍ଧି ବିତି ଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ଗାଁକୁ ଫିଟିନି ରାସ୍ତା । ଦୀର୍ଘ ବର୍ଷ ଧରି ରାସ୍ତା ନଥିବା ଫଳରେ ଦୁର୍ଦ୍ଦଶାରେ ଜୀବନ କାଟୁଛନ୍ତି ଦୁର୍ଗମବାସୀ । ଆବଡ଼ା ଖାବଡା ରାସ୍ତାରେ ନିତି ଯାତାୟତ । ଗାଁରେ ବସବାସ କରୁଛନ୍ତି ପ୍ରାୟ ୩୦ରୁ ଅଧିକା ପରିବାର ।

କୋରାପୁଟ ଜିଲ୍ଲା ବନ୍ଧୁ ଗାଁ ବ୍ଲକ୍ ନୀଳବାଡି ପଞ୍ଚାୟତ ସାବଡାମ୍ ଗାଁ । ଗାଁର ତଳ ସାହି, ଉପର ସାହି ମିଶି ୩୫ ଆଦିବାସୀ ପରିବାର ବସବାସ କରିଆସୁଛନ୍ତି । ଜନସଂଖ୍ୟା କହିଲେ ୧୨୦ଜଣରୁ ଅଧିକ । ଗାଁକୁ ରାସ୍ତା କହିଲେ ୩ କିଲୋମିଟର ପାହାଡ଼ ଚଢା ପାଦ ଚଲା ରାସ୍ତା । ଗାଁରେ ବୁଢ଼ା ବୁଢ଼ୀ ମାନେ ବାର୍ଦ୍ଧକ ହେଉ ବା ଟଙ୍କିକିଆ ଚାଉଳ ହେଉ ଆଣିବା ପାଇଁ ଆଜି ବି ସେହି ପାହାଡିଆ ରାସ୍ତା ଦେଇ ଯିବା ଆସିବା କରିଥାନ୍ତି । ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଳକ ସଦର ପଂଚାୟତ କଂସାରିଖାଲ ଗାଁ । ରାସ୍ତା ଖାଲ ଖମାରେ ଭର୍ତ୍ତି । ଏହି ରାସ୍ତାରେ ଗାଡ଼ି ଯିବା ତ ଦୂରର କଥା ପାଦ ଚାଲିବା ମଧ୍ୟ କଷ୍ଟକର । ସାମାନ୍ୟ ବର୍ଷାରେ ସ୍ଥିତି ଦୟନୀୟ । ହଠାତ୍ କାହାର ଦେହ ଖରାପ କି ଗର୍ଭବତୀ ମହିଳାଙ୍କୁ ଖଟିଆ ହିଁ ଭରସା । ରାସ୍ତା ସୁରକ୍ଷିତ ନଥିବାରୁ ଏକପ୍ରକାର ବନ୍ଦ ଜୀବନ ବିତାଉଛନ୍ତି ଗାଁ ଲୋକେ ।

ରାଜ୍ୟରେ ଡବଲ ଇଞ୍ଜିନ ସରକାର ଆସିଲା ପରେ ଫିଟିବାରେ ଲାଗିଛି ବିଜେଡି ସରକାର ଅସଲ ଗୁମର | ସାମ୍ନାକୁ ଆସୁଛି ମାଳମାଳ ମିଛ ପ୍ରତିଶୃତିର ଅସଲ ସତ | ଆଗକୁ ଏହି ଅପହଞ୍ଚ ଅଞ୍ଚଳରେ ପହଞ୍ଚିବ ବିକାଶର ଗାଡି । ଖୁବ ଶିଘ୍ର ସବୁ ଗାଁକୁ ରାସ୍ତା କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ସରକାର। ଯୋଜନା ଥାଇବି ଅନେକ ଗାଁକୁ ସଂଯୋଗ ହୋଇ ପାରିନି ପକ୍କା ରାସ୍ତା ଫଳରେ ଯିବା ଆସିବାରେ ବହୁ ସମସ୍ୟାର ସମ୍ମୁଖିନ ହେଉଛନ୍ତି ଅଞ୍ଚଳବାସୀ।