ଆପଣଙ୍କ ଘରେ ବି ସବୁବେଳେ ନାଲି ପିମ୍ପୁଡି ବୁଲୁଥିବାର ଆପଣ ଦେଖୁଛନ୍ତି କି? ଆଉ ଏଥିପାଇଁ ଆପଣ ସବୁବେଳେ ଚିନ୍ତାରେ ପଡିଯାଉଛନ୍ତି କି? ଅଧିକାଂଶ ସମୟରେ ଲୋକମାନେ ପିମ୍ପୁଡିଙ୍କ ଉପରେ କୀଟନାଶକ ସ୍ପ୍ରେ କରି ମାରିଦିଅନ୍ତି | କିନ୍ତୁ ଆଜି ଆମେ ଆପଣଙ୍କୁ ଏମିତି କିଛି ଟିପ୍ସ କହିବୁ ଯାହାଦ୍ୱାରା ଆପଣ ପିମ୍ପୁଡିଙ୍କୁ ନ ମାରି ବି ଘରୁ ବାହାର କରିଦେଇପାରିବେ | ଯଦି ଆପଣ ଅନେକ ଉପାୟ ଆପଣାଇ ସାରିଛନ୍ତି, ତଥାପି ନାଲି ପିମ୍ପୁଡ଼ିମାନେ ଘର ଛାଡ଼ିବା ନାଁ ନେଉନାହାନ୍ତି, ତେବେ କିଛି ସହଜ ଦେଶୀ ଟିପ୍ସ ଆପଣଙ୍କୁ ସାହାଯ୍ୟ କରିପାରିବ।
କାକୁଡ଼ି ଚୋପା
ସର୍ବପ୍ରଥମେ କାକୁଡ଼ି ଚୋପା ବିଷୟରେ ଆଲୋଚନା କରିବା। ଅନେକ ଲୋକ ବିଶ୍ୱାସ କରନ୍ତି ଯେ ପିମ୍ପୁଡ଼ିମାନଙ୍କୁ କାକୁଡ଼ିର ଗନ୍ଧ ଜମାରୁ ପସନ୍ଦ ନୁହେଁ। କିଛି ଗବେଷଣାରୁ ମଧ୍ୟ ଜଣାପଡ଼ିଛି ଯେ କାକୁଡ଼ି ଚୋପାରେ ଏପରି କିଛି ଉପାଦାନ ଥାଏ, ଯାହା ସେହି ଫଙ୍ଗସକୁ କମାଇଥାଏ ଯାହା ପ୍ରତି ପିମ୍ପୁଡ଼ିମାନେ ଆକର୍ଷିତ ହୁଅନ୍ତି। ଆପଣ ସେହି ସ୍ଥାନଗୁଡ଼ିକରେ କାକୁଡ଼ି ଚୋପା ରଖିପାରିବେ ଯେଉଁଠାରେ ପିମ୍ପୁଡି ସବୁଠାରୁ ଅଧିକ ଦେଖାଯାନ୍ତି କିମ୍ବା ଯେଉଁ ବାଟ ଦେଇ ସେମାନେ ଘର ଭିତରକୁ ପ୍ରବେଶ କରନ୍ତି।
ଭିନେଗାର
ଦ୍ୱିତୀୟ ସହଜ ଉପାୟ ହେଉଛି ଭିନେଗାରର ବ୍ୟବହାର। ନାଲି ପିମ୍ପୁଡ଼ିମାନେ ଭିନେଗାରର ତୀବ୍ର ଗନ୍ଧ ଯୋଗୁଁ ଦୂରକୁ ପଳାନ୍ତି। ଏଥିପାଇଁ ସମାନ ପରିମାଣର ଭିନେଗାର ଏବଂ ପାଣି ମିଶାଇ ଏକ ସ୍ପ୍ରେ ପ୍ରସ୍ତୁତ କରନ୍ତୁ। ଏବେ ଏହାକୁ ସେହି ସ୍ଥାନଗୁଡ଼ିକରେ ସ୍ପ୍ରେ କରନ୍ତୁ ଯେଉଁଠାରେ ପିମ୍ପୁଡ଼ି ପ୍ରାୟତଃ ଦେଖାଯାନ୍ତି।
ଚକ୍ର ବ୍ୟବହାର
ଅନେକ ଘରେ ପିମ୍ପୁଡ଼ିମାନଙ୍କୁ ରୋକିବା ପାଇଁ ଚକ୍ (Chalk) ମଧ୍ୟ ବ୍ୟବହାର କରାଯାଏ। ବିଶ୍ୱାସ କରାଯାଏ ଯେ ଚକ୍ରେ ଟଣାଯାଇଥିବା ରେଖା ପିମ୍ପୁଡ଼ିଙ୍କ ରାସ୍ତାରେ ବାଧା ସୃଷ୍ଟି କରିଥାଏ। ଯଦିଓ ଏହି ଉପାୟଟି ଦୀର୍ଘ ସମୟ ପାଇଁ ପ୍ରଭାବଶାଳୀ ହୋଇନଥାଏ, ତଥାପି କିଛି ସମୟ ପାଇଁ ପିମ୍ପୁଡିଙ୍କ ଯାତାୟାତ କମିଯାଇପାରେ। ଧ୍ୟାନ ଦିଅନ୍ତୁ ଯଦି ଘରେ ପିମ୍ପୁଡ଼ିଙ୍କ ସଂଖ୍ୟା କ୍ରମାଗତ ଭାବେ ବଢ଼ିଚାଲିଛି, ତେବେ ସେମାନଙ୍କ ଆସିବାର ମୂଳ କାରଣକୁ ଦୂର କରିବା ଜରୁରୀ ହୋଇଥାଏ। ପ୍ରାୟତଃ ଖାଦ୍ୟର ଛୋଟ ଛୋଟ କଣିକା, ମିଠା ପାନୀୟର ଦାଗ ଏବଂ ଖୋଲା ରଖାଯାଇଥିବା ଖାଦ୍ୟ ପିମ୍ପୁଡ଼ିଙ୍କୁ ଆକର୍ଷିତ କରିଥାଏ। ବିଶେଷଜ୍ଞଙ୍କ ଅନୁଯାୟୀ, ରୋଷେଇ ଘର ଏବଂ ଚଟାଣର ନିୟମିତ ସଫେଇ ହିଁ ପିମ୍ପୁଡିଙ୍କୁ ଦୂରେଇ ରଖିବାର ସବୁଠାରୁ ପ୍ରଭାବଶାଳୀ ଉପାୟ। ଖାଦ୍ୟ ତଳେ ପଡ଼ିବା ମାତ୍ରେ ତାକୁ ସଙ୍ଗେ ସଙ୍ଗେ ସଫା କରନ୍ତୁ ଏବଂ ରୋଷେଇ ଘରର କୋଣ ଅନୁକୋଣରେ ଜମି ରହିଥିବା ଖାଦ୍ୟକୁ ସଫା କରନ୍ତୁ।ଏହା ବ୍ୟତୀତ, ଖାଦ୍ୟ ପଦାର୍ଥକୁ ସବୁବେଳେ ଏୟାରଟାଇଟ୍ଡବାରେ ଷ୍ଟୋର କରି ରଖନ୍ତୁ। ଘରେ ଥିବା ଫାଟ ଏବଂ ଛୋଟ ଛୋଟ କଣା ମଧ୍ୟ ପିମ୍ପୁଡ଼ିଙ୍କ ପାଇଁ ଏଣ୍ଟ୍ରି ଗେଟ୍ ଭଳି କାମ କରେ। ତେଣୁ ଝରକା, କବାଟ ଏବଂ କାନ୍ଥର ଫାଟଗୁଡ଼ିକୁ ସିଲ୍ କରିବା ଜରୁରୀ।
Discover more from odia.bnslive.in
Subscribe to get the latest posts sent to your email.