ଦୁଇ ବାଇକ୍‌ ମୁହାଁମୁହିଁ , ଜଣେ ମୃତ ତିନି ଗୁରୁତର।

କନ୍ଧମାଳ -:(ମୃତ୍ୟୁଞ୍ଜୟ ଦିଗାଲ)ମଙ୍ଗଳବାର ବିଳମ୍ବିତ ରାତିରେ କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଗୋଛାପଡା ଥାନା କାମଟଣା ନିକଟରେ ସଡ଼କ ଦୁର୍ଘଟଣା । ଦୁଇ ବାଇକ୍‌ ମୁହାଁମୁହିଁ ଧକ୍କା ହେବା ଫଳରେ ଜଣେ ବାଇକ୍‌ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଗୁରୁତର ଆହତ ହୋଇଛନ୍ତି । ଏଥିରେ ଅନ୍ୟ ଦୁଇଜଣ ସାମାନ୍ୟ ଆହତ ହୋଇଥିବା ଜଣାପଡିଛି । ମୃତକ ଗୋଛାପଡା ଥାନା ବାଲାନ୍ଦାପଡା ବଟାବାହାଲି ଗାଁର ଧନଞ୍ଜୟ ଦିଗାଲଙ୍କ ପୁଅ ଜିତନ ଦିଗାଲ(୨୧) ବୋଲି ଜଣାପଡ଼ିଛି । ଗୁରୁତର ଆହତ ଜଣକ ସେହି ବାଳନ୍ଦାପଡା ପଞ୍ଚାୟତ ଅଧୀନରେ ଥିବା ବାଘପଦର ଗାଁର ଯୋଗେଶ୍ୱର କହଁର ବୋଲି ଜଣାପଡି ଥିବା ବେଳେ ତାଙ୍କୁ ଫୁଲବାଣୀରୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି ।ସୂଚନା ମୁତାବକ, ମଙ୍ଗଳବାର ବିଳମ୍ବିତ ରାତିରେ ଜିତନ ଦିଗାଲଙ୍କ ସହ ଅନ୍ୟଜଣେ ଯୁବକ ଏକ ବାଇକ୍‌ରେ କ୍ରାଣ୍ଡିବାଲି ଗାଁରୁ ଭୋଜି ଖାଇ ନିଜ ଗାଁକୁ ଫେରୁଥିଲେ । ଏହି ସମୟରେ ଗୋଛାପଡା ଠାରୁ ବାଲନ୍ଦାପଡା ଯାଇଥିବା ମୁଖ୍ୟ ରାସ୍ତାର କାମଟଣା ଗାଁ ନିକଟରେ ବିପରୀତ ଦିଗରୁ ଆସୁଥିବା ଅନ୍ୟଏକ ବାଇକ୍‌ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ଦୁଇଟି ବାଇକ୍‌ର ଚାରିଜଣ ଯୁବକ ଗୁରୁତର ଆହତ ହୋଇଥିଲେ । ଏହା ଦେଖି ସ୍ଥାନୀୟ ଲୋକେ ଏକ ଆମ୍ବୁଲାନ୍ସରେ ସମସ୍ତଙ୍କୁ ପ୍ରଥମେ ଗୋଛାପଡା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ପରେ ତାଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଲୟକୁ ସ୍ଥାନାନ୍ତର କରାଯାଇଥିଲା । ଫୁଲବାଣୀ ମେଡିକାଲରେ ଚିକିତ୍ସିତ ଅବସ୍ଥାରେ ଜିତନ ଦିଗାଲଙ୍କ ମୃତ୍ୟ ହୋଇଥିଲା । ଏହି ଘଟଣା ସମ୍ପର୍କରେ ତେବେ ଖବର ପାଇ ଗୋଛାପଡା ପୋଲିସ ମେଡିକାଲରେ ପହଞ୍ଚି ଏକ ମାମଲା ରୁଜୁ କରିଛି । ଏହା ସହ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠେଇ ଦେଇ ଅଧିକ ତଦନ୍ତ ଜାରିରଖିଥିବା ସୂଚନା ଦେଇଛନ୍ତି ଥାନା ଅଧିକାରୀ ଚିରଞ୍ଜୀବ ବେହେରା ।ଗୋଛାପଡ଼ା ରୁ ରାଜିବ କୁମାର ଦିଗାଲ ଙ୍କ ରିପୋର୍ଟ: ଖବର ପ୍ଳସ୍ ଓଡ଼ିଶା